12:59, 16 Noyabr 2016 (Çərşənbə) 225

Azərbaycanlı müğənnilərin maşınla "ölüm yürüşü" - VİDEO

Azərbaycanlı müğənnilərin maşınla
/ LİFE
 
Qalmaqallı müəğnni Musa Musayev sosial şəbəkədə geniş müzakirələrə səbəb olan video paylaşıb.

BAKU.WS xəbər verir ki, sosial şəbəkə istifadəçilərinin tənqid etdiyi videoda görünür ki, Musa Musayev avtomobili təhlükəsizlik kəmərini taxmadan sürətlə hərəkət etdiyi avtomobildə həyat yoldaşı, müğənni Təranə Qumralla mahnı oxuyur.

Sükan arxasında olan Musayev Qumralla baş-başa verərək bir müddətlik gözünü yoldan ayırır və kameraya baxır. Bundan başqa, bir əli sükanı, digər əli ilə Qumralın əlindən tutur. Bəzən isə hər iki əlini sükandan çəkir və yola da baxmır.

Qarşı tərəfdən gələn avtomobillərin yanından ötüb keçdiyinə fikir verəndə, Musayevin maşını sürətlə idarə etdiyi aydın görünür.

Qeyd edək ki, Musayev yol hərəkəti qaydalarını pozduğuna görə dəfələrlə cərimə edilib. Yol Hərəkəti haqqında qanunun 329-cu bəndinə əsasən, təhlükəsizlik kəmərindən istifadə etməyən sürücülər 40 manat cərimələnəck.

 
365.az