11:18, 25 Aprel 2017 (Çərşənbə axşamı) 124

Dolların məzənnəsində geriləmənin davam edəcəyi gözlənilir

Dolların məzənnəsində geriləmənin davam edəcəyi gözlənilir

Bakı. 25 aprel. / Sabah, aprelin 26-da ABŞ Prezidenti Donald Trampın vergi islahatları ilə bağlı qərarları açıqlayacağı gözlənilir. "Report" xəbər verir ki, ABŞ prezidenti seçkilər öncəsi vergi sahəsində radikal islahatlarla bağlı vədlərini sabah xeyli yumşalda bilər. Belə ki, seçki kampaniyası dövründə prezident korporativ vergiləri 35%-dən 15%-ə azaltmağı, maksimal vergi həddini isə 39,6%-dən 25%-ə endirəcəyini vəd edib. Lakin, respublikaçılar da, demokratlar da yumşaq qərarların verilməsini tələb edirlər. Hazırda bu ən optimal variant hesab edilir. 

"Ag ev"in inzibatı-büdcə idarəetmə sisteminin direktoru Mik Malveyni (Mick Mulvaney) "mən düşünürəm ki, sabah biz müəyyən əsas prinsiplərin və gələcək planların nə olacağını eşidəcəyik. Vergi dərəcələrinin nə qədər olacağı da açıqlana bilər. Amma, heç kim yeni qanun layihəsi gözləməsin. Çünki, biz özümüz bunu istəmirik", - deyib.

"Report"un analitik qrupu sabahkı çıxışdan sonra dolların bir qədərt də ucuzlaşacağını proqnozlaşdırır. Hazırda 1,0870 USD/EUR səviyyəsində olan avro/dollar cütlüyünün məzənnəsi 1,10 USD/EUR həddinə yaxınlaşa bilər. Belə olarsa, bütün dünya valyutalarında möhkəmlənmə müşahidə olunacaq.



document.getElementById("").innerHTML = "

Status: COUNTRY

";