11:25, 21 Aprel 2017 (Cümə) 41

Sorğu: Donald Trampın prezident kimi fəaliyyətini amerikalıların 41 faizi bəyənir

Sorğu: Donald Trampın prezident kimi fəaliyyətini amerikalıların 41 faizi bəyənir
/ DÜNYA

Bakı. 21 aprel. / Donald Trampın ABŞ prezidenti vəzifəsində ilk 3 aydakı fəaliyyətini amerikalı seçicilərin 41%-i dəstəkləyir.

"Report" xəbər verir ki, bu, "Gallup" şirkətinin apardığı reytinq sorğusu nəticəsində məlum olub. 

Şirkət vurğulayıb ki, bu, onların sosioloji tədqiqatlar keçirdiyi bütün dövrlər ərzində prezidentin ilk 3 ayı baxımından ən aşağı göstəricidir. Məsələn, bundan əvvəlki ABŞ dövlət başçısı Barak Obamanın prezident kimi ilk 3 aydan sonrakı reytinqi 64% təşkil edib.

"Gallup"un məlumatına görə, D.Trampa qədər ən aşağı göstərici Demokratlar Partiyasından olan prezident Bill Klintonun dövründə qeydə alınıb - 55%. Ən yüksək reytinq isə Con Kennedidə olub: rəyi soruşulanların 74%-i onun prezident kimi ilk 3 aydakı fəaliyyətini yüksək dəyərləndirib.

Qeyd edək ki, araşdırmanın nəticələri yanvarın 20-dən aprelin 19-dək ABŞ prezidentinin reytinqinin gündəlik müşahidəsinə əsaslanır.



document.getElementById("").innerHTML = "

Status: COUNTRY

";