Bakı şəhərinin Sabunçu rayonundakı Bakıxanov qəsəbəsində yerləşən çoxmərtəbəli binada iki azyaşlı uşaq mənzildə bağlı qapı arxasında köməksiz qalıb. Fövqəladə Hallar Nazirliyinin (FHN) xilasediciləri onları təhlükəsiz şəkildə bayıra çıxarıblar.
Bakının Sabunçu rayonunda, Bakıxanov qəsəbəsindəki doqquzmərtəbəli yaşayış binasının bir mənzilində iki kiçik yaşlı uşaq bağlı qapı arxasında qalıb. Vəziyyətlə bağlı Fövqəladə Hallar Nazirliyi məlumat yayıb.
FHN-in Xüsusi Riskli Xilasetmə Xidmətinin əməkdaşları çağırışdan sonra dərhal hadisə yerinə gəliblər. Əməliyyat şəraitini qiymətləndirən xilasedicilər mənzildəki uşaqların nə qapının döyülməsinə, nə də telefon zənglərinə cavab vermədiyini müəyyən ediblər.
Vəziyyətin ciddiliyini nəzərə alan xilasedicilər xüsusi alpinist avadanlığından istifadə ediblər. Onlar binanın 2-ci mərtəbəsindəki mənzilə qonşu eyvandan daxil olublar.
Mənzilə girən xilasedicilər 2018-ci il və 2019-cu il təvəllüdlü iki uşağı yatmış vəziyyətdə tapıblar. Uşaqlar sağlam vəziyyətdə aşkar edilərək öz yaxınlarına təhvil verilib.
