Dünya çempionatı üçün Azərbaycan cüdo heyəti müəyyənləşdi

Bakı şəhəri oktyabrın 4-dən 11-dək cüdo üzrə böyüklər arasında dünya çempionatına ev sahibliyi edəcək. İlin ən nüfuzlu yarışında ölkəmizi 12 çəki dərəcəsində cəmi 23 idmançı — 17 kişi və 6 qadın — təmsil edəcək.

Milli komandanın tatamiyə çıxışına performans direktoru, kişi yığmasının baş məşqçisi Riçard Trautman rəhbərlik edəcək. Ona böyük məşqçilər Elxan Məmmədov, Elçin İsmayılov, Robert Kravçik və Slavko Tekiç dəstək verəcək. Qadın komandasına isə baş məşqçi Amina Abdellatif və böyük məşqçi Saşa Herkenrat-Vimar başçılıq edəcək.

Yarışın keçiriləcəyi məkan və proqram

Dünya çempionatı Milli Gimnastika Arenasında təşkil olunacaq. Fərdi yarışlar oktyabrın 4-dən 10-dək davam edəcək, qarışıq komanda mübarizəsi isə oktyabrın 11-də baş tutacaq.

Azərbaycan yığmasının tərkibi

Dünya çempionatında ölkəmizi təmsil edəcək idmançıların siyahısı çəki dərəcələrinə görə aşağıdakı kimidir:

Qadınlar

• -48 kq: Şəfəq Həmidova, Könül Əliyeva
• -52 kq: Gültac Məmmədəliyeva
• -57 kq: Xədicə Qədəşova
• -70 kq: Südabə Ağayeva
• +78 kq: Madina Kaisinova

Kişilər

• -60 kq: Balabəy Ağayev, Əhməd Yusifov
• -66 kq: Ruslan Paşayev, Turan Bayramov, Nizami İmranov
• -73 kq: Hidayət Heydərov, Rəşid Məmmədəliyev
• -81 kq: Zelim Tçkayev, Ömər Rəcəbli, Vüsal Qələndərzadə
• -90 kq: Murad Fətiyev, Elcan Hacıyev, Süleyman Şükürov
• -100 kq: Zelim Kotsoyev
• +100 kq: Uşanqi Kokauri, Kənan Nəsibov, Camal Qamzatxanov