"Arsenal"ın hücumçusu Viktor Qyökereş qış transfer pəncərəsində London klubunu tərk etmək fikrindədir. 28 yaşlı isveçli futbolçu komandada layiqincə dəyərləndirilmədiyini düşünür.
"Arsenal"ın hücumçusu Viktor Qyökereş qış transfer pəncərəsində klubu tərk etmək niyyətində olduğunu bildirib. "CaughtOffside" jurnalisti Mark Brasın yaydığı məlumata görə, 28 yaşlı isveçli futbolçu London klubunda qiymətini almadığını hesab edir.
Əsas heyətdəki mövqeyini itirən Qyökereş cari vəziyyətindən narazılığını gizlətmir. Cari mövsümdə o, cəmi 5 matçda meydana çıxıb və bunların yalnız 2-sində start heyətində olub. Bu görüşlərin heç birində qol sevinci yaşamayıb.
Futbolçu gələcək karyerası üçün fərqli seçimləri araşdırır. Onun agentləri hazırda "Milan", "Yuventus", həmçinin Səudiyyə Ərəbistanının "Əl-Əhli" və "Əl-İttihad" klubları ilə ilkin təmaslar qurub.
London klubu hələlik hücumçunu satmaq üçün fəal addım atmır. Bununla belə, əgər "Arsenal" yanvar ayında yeni bir hücumçu transfer etsə, Qyökereşin gedişinə icazə verə bilər.
Qeyd edək ki, İsveç millisinin üzvü olan Qyökereş ötən mövsüm bütün yarışlarda cəmi 21 qol vurmağı bacarıb. Onun məhsuldarlığı "Arsenal"ın Premyer Liqada çempion adı qazanmasında və Çempionlar Liqası finalına yüksəlməsində mühüm rol oynayıb.
