Türkiyə millisinin yarımmüdafiəçisi Arda Gülər Millətlər Liqasının ilk turunda Fransaya 0:1 hesabı ilə uduzduqdan sonra komandanın vəziyyəti barədə açıqlama verib.
Türkiyə millisinin yarımmüdafiəçisi Arda Gülər Millətlər Liqasının açılış turunda Fransaya 0:1 hesabı ilə məğlub olduqdan sonra duyğularını bölüşüb.
Futbolçu “beIN SPORTS” kanalına açıqlamasında komandada çoxsaylı zədəli oyunçu olmasına rəğmən, futbolçuların əllərindən gələni əsirgəmədiklərini vurğulayıb.
“Son nəticələrimizi unutdurmaq üçün əlimizdən gələni etdik. Çoxlu zədəli futbolçumuz var idi. Buna baxmayaraq, əlimizdən gələnin ən yaxşısını etdiyimizi düşünürəm. Qalib gəlməyi çox istəyirdik. Çox məyusuq. Qarşıda vacib oyunlarımız var. Ümid edirəm ki, qələbə qazana biləcəyik. Bu məğlubiyyəti unutdurub İtaliya ilə oyunda qalib gəlmək istəyirik”.
Türkiyə millisi Fransa ilə qarşılaşmada Kilian Mbappenin 54-cü dəqiqədə vurduğu qolla 0:1 hesabı ilə məğlub olub.
