Sentyabrın 29-dan oktyabrın 1-dək Gənclər və İdman Nazirliyi ilə Azərbaycan Su İdmanı Federasiyasının birgə təşkilatçılığı ilə “Mingəçevir Reqatası-2026” beynəlxalq turniri keçiriləcək. Yarışlar ikinci dəfə Füzulidəki Köndələn su anbarında start götürəcək.
Sentyabrın 29-dan oktyabrın 1-dək Gənclər və İdman Nazirliyi ilə Azərbaycan Su İdmanı Federasiyasının təşkilatçılığı altında “Mingəçevir Reqatası-2026” adlı beynəlxalq yarış təşkil olunacaq. Ənənəvi turnir bu il ikinci dəfə Füzuli rayonundakı Köndələn su anbarında öz startını verəcək.
Sentyabrın 29-da Füzulidə yarışların rəsmi açılışı olacaq. Həmin gün kayak və kanoe üzrə 200 metrlik məsafəyə yürüşlər keçiriləcək.
Bundan əlavə, yerli sakinlər, xüsusən uşaqlar və yeniyetmələr üçün müxtəlif şoular və əyləncəli viktorinalar planlaşdırılır. Qonaqlara həvəskar kayak qayıqlarında avar çəkmək imkanı da yaradılacaq.
Reqata sonrakı iki gün ərzində Mingəçevirdəki “Kür” Olimpiya Tədris-İdman Mərkəzində davam edəcək. Burada bütün yarış növləri üzrə qaliblər müəyyənləşdiriləcək.
Turnirdə 12 ölkədən — Azərbaycan, Çexiya Respublikası, Gürcüstan, Macarıstan, Qırğızıstan, Latviya, Litva, Moldova, Tacikistan, Türkiyə, Ukrayna və Özbəkistandan olmaqla 100-dən artıq idmançı iştirak edəcək.
Xatırladaq ki, 2022-ci ildən bəri Azərbaycan Su İdmanı Federasiyası ardıcıl olaraq Suqovuşan və Köndələn su anbarlarında avarçəkmə və kanoe üzrə “Prezident Kuboku” və “Mingəçevir Reqatası” adlı beynəlxalq yarışlar təşkil edir.
Dövlət başçısı, Milli Olimpiya Komitəsinin Prezidenti İlham Əliyevin təşəbbüsü ilə bu il ilk dəfə olaraq Sərsəng su anbarında da beynəlxalq yarış keçirilib. Ümummilli Lider Heydər Əliyevin 103-cü ildönümünə həsr olunmuş “Prezident Kuboku-2026” reqatasının ilk günü məhz Sərsəngdə baş tutub.
