Naxçıvan Muxtar Respublikasının Culfa rayonunda qoşqulu yük avtomobilində yanğın baş verib, nəticədə maşının kabin hissəsi və bir qoşqusu tamamilə yanıb.
Naxçıvan Muxtar Respublikası Fövqəladə Hallar Nazirliyinin “112” qaynar xəttinə Culfa rayonu ərazisində qoşqulu yük avtomobilinin alovlanması barədə çağırış daxil olub.
Bildirilən məlumatdan sonra Culfa Rayon Yanğından Mühafizə Hissəsinin əməkdaşları operativ şəkildə hadisə yerinə cəlb ediliblər. Onların vaxtında müdaxiləsi nəticəsində “Scania” markalı yük avtomobilində baş vermiş alov qısa vaxt ərzində söndürülüb.
Yanğın zamanı yük maşınının kabin hissəsi və ona qoşulmuş qoşqulardan biri tamamilə yanıb məhv olub. Digər qoşqu isə yanğınsöndürənlərin çevik hərəkəti sayəsində zədələnmədən qorunub saxlanılıb.
