Dünya bazarlarında "Azeri Light" (CIF) markalı Azərbaycan neftinin qiyməti kəskin aşağı düşərək 116,83 ABŞ dollarına enib.
Beynəlxalq neft bazarlarında Azərbaycanın əsas ixrac markası olan "Azeri Light" (CIF) qiymətdən düşüb. Bir barel neftin dəyəri 5,54 ABŞ dolları və ya 4,53 faiz azalıb.
Nəticədə neftin bir barelinin qiyməti 116,83 ABŞ dollarına qədər enib. Bundan əvvəlki dövrdə isə həmin göstərici 122,37 ABŞ dolları səviyyəsində qeydə alınmışdı.
"Azeri Light" markalı neftin bazar tarixində müşahidə olunan ən aşağı qiyməti 2020-ci il aprelin 21-də qeydə alınıb və 15,81 ABŞ dolları təşkil edib. Ən yüksək qiymət isə 2008-ci ilin iyul ayında 149,66 ABŞ dolları səviyyəsinə çatıb.
Cari ilin dövlət büdcəsi hazırlanarkən "Azeri Light" neftinin bir barelinin orta qiymətinin 65 ABŞ dolları səviyyəsində olacağı əsas götürülüb.
