Çin Xalq Respublikasının Sədri Si Cinpin ABŞ Prezidenti Donald Trampla keçirdiyi görüşdə bildirib ki, iki dövlət arasındakı rəqabət sağlam və tarazlı çərçivədə qalmalıdır.
Çin lideri Si Cinpin Vaşinqtonda Donald Trampla keçirdiyi danışıqlar zamanı iki böyük dövlət arasındakı münasibətlərin xarakterinə toxunub. Onun sözlərinə görə, Çin və ABŞ arasında rəqabətin mövcudluğu inkar edilə bilməz, lakin bu proses məntiqli hüdudlar daxilində və sağlam formada aparılmalıdır.
“Ölkələrimiz arasında rəqabət faktını inkar etməməliyik, lakin bu rəqabət sağlam olmalı və məntiqli çərçivələrdə qalmalıdır. Çin və ABŞ arasındakı münasibətlər qalibi və məğlubu olan kəskin qarşıdurma yox, mütərəqqi yarış xarakteri daşımalıdır. Tərəflər münaqişə və konfliktlərə yol vermək yerinə dinc yanaşı yaşamaq yollarını tapmağa qadir olmalıdır”
Si Cinpin daha sonra iki ölkənin ordularının daha sıx əlaqə saxlamasının vacibliyini vurğulayıb. Onun fikrincə, Çin və ABŞ hərbçiləri arasında müntəzəm dialoq qurulmalı, eyni zamanda böhran anlarında əlaqəni təmin edəcək kommunikasiya kanalları təkmilləşdirilməlidir.
“Çin və ABŞ böyük dövlətlər kimi münasibətlərini tərəfdaşlıq müstəvisində inkişaf etdirməlidirlər. İki ölkə xalqları uzun illərdir sıx təmasdadırlar və dövlətlərin maraqları bir-biri ilə sıx bağlıdır”
Qeyd edək ki, Si Cinpin ABŞ-a görüşdən bir gün əvvəl gəlib. Donald Tramp Çin liderini və onun həyat yoldaşı Pen Liyuanı şəxsən qarşılayıb.
