İlham Əliyev sərəncamla 20 nəfəri əfv etdi

Prezident İlham Əliyevin bu gün imzaladığı sərəncamla 20 məhkumun cəzasının qalan hissəsi ləğv edilib. Əfv olunanlardan 15-i Azərbaycan vətəndaşı, 5-i isə xarici ölkə vətəndaşıdır.

Sərəncam əsasən ictimai təhlükə dərəcəsi az olan, ehtiyatsızlıqdan törədilmiş ağır cinayətlərə görə məhkum edilmiş, eyni zamanda cəza müddətinin sonuna az qalmış şəxsləri əhatə edir. Onlardan 14 nəfərin cəzasının bitməsinə 2 aydan 1 il 6 ayadək müddət qalıb, bu şəxslər zərərçəkənlərlə barışıb və müsbət xarakterizə olunub. Əfv edilənlərdən 2-si Vətən müharibəsi iştirakçısıdır.

Əfv olunan Azərbaycan vətəndaşları

• 1999-cu il təvəllüdlü Aydəmirov Cəsarət Səfərqulu oğlu — 9 il müddətinə məhkum edilmişdi;
• 1992-ci il təvəllüdlü Bağırov Elşən Malik oğlu — 3 il 6 ay cəza almışdı, bitməsinə 5 ay qalmışdı;
• 1970-ci il təvəllüdlü Balabəyov Fikrət Əlibəy oğlu — xəsarət yetirməyə görə 3 il cəza almışdı, bitməsinə 7 ay qalmışdı;
• 1985-ci il təvəllüdlü Bayramov Hikmət Abduləli oğlu — xəsarət yetirməyə görə 4 il cəza almışdı, bitməsinə 1 il 4 ay qalırdı;
• 2003-cü il təvəllüdlü Beybudlu Xəyal Nemət oğlu — xəsarət yetirməyə görə 4 il cəza almışdı, bitməsinə 1 il 1 ay qalmışdı;
• 2000-ci il təvəllüdlü Əliyev Maarif Eldar oğlu — 10 il cəza almışdı, bitməsinə 2 ay qalmışdı;
• 2004-cü il təvəllüdlü Kərimov Sahil Aqil oğlu — ağır xəsarət yetirməyə görə 5 il 5 ay cəza almışdı, bitməsinə 1 il qalırdı;
• 1980-ci il təvəllüdlü Qasımov Rəfail Güloğlan oğlu — adam öldürməyə görə 12 il 6 ay cəza almışdı, bitməsinə 1 il 6 ay qalırdı;
• 2000-ci il təvəllüdlü Muradov Qurban Sultan oğlu — 2024-cü ildə xəsarət yetirməyə görə 3 il cəza almışdı, bitməsinə 11 ay qalırdı;
• 1993-cü il təvəllüdlü Musayev Cəlal İlham oğlu — 2023-cü ildə avtomobillə piyadanı vurduğuna görə 4 il 5 ay cəza almışdı, bitməsinə 11 ay qalırdı;
• 1969-cu il təvəllüdlü Rəhimov İqbal Əliabas oğlu — 3 il cəza almışdı, sərbəst buraxılmasına 2 il 2 ay qalırdı;
• 1966-cı il təvəllüdlü Rüstəmov Elman Yaşılxan oğlu — 7 il cəza almışdı, bitməsinə 4 ay qalırdı;
• 2003-cü il təvəllüdlü Süleymanov Sürət Nemət oğlu — 2 il 11 ay cəza almışdı, bitməsinə 5 ay qalırdı;
• 1997-ci il təvəllüdlü Süleymanzadə İlqar Vüqar oğlu — 5 il 6 ay cəza almışdı, 1 il sonra azad olacaqdı;
• 1995-ci il təvəllüdlü Dadaşov Əziz İman oğlu — 2 il 5 ay cəza almışdı, bitməsinə 2 il qalırdı.

Əfv olunan xarici ölkə vətəndaşları

• 36 yaşlı Türkiyə vətəndaşı Demir Mehmet və 45 yaşlı Özdemir Salih — İrandan Azərbaycan ərazisindən tranzitlə Türkiyəyə gedərkən üzərlərində narkotik maddə aşkarlanmışdı;
• 46 yaşlı Rusiya və İsrail vətəndaşı Kiril Mixaylov — narkotik maddələrlə bağlı cinayətə görə 3 il 1 ay cəza almışdı;
• 1995-ci il təvəllüdlü Pakistan vətəndaşı Sabir Sonia — öz həmvətəninə qarşı quldurluğa görə 8 il cəza almışdı;
• Fransa vətəndaşı Ryan Martin Riçards — Fransanın Azərbaycandakı xüsusi xidmət orqanlarının əməkdaşları tərəfindən cəlb edilərək casusluğa görə 10 il cəza almışdı.