Şəmkir rayonunda baş verən yol-nəqliyyat hadisəsi nəticəsində bir nəfər həyatını itirib.
Şəmkir rayonunda ölümlə nəticələnən yol-nəqliyyat hadisəsi qeydə alınıb.
Rayon ərazisində hərəkət edən avtomobillərdən biri 1957-ci il təvəllüdlü Almaz Qasımovaya çırpılıb.
69 yaşlı qadın aldığı ağır xəsarətlər nəticəsində hadisə yerindəcə dünyasını dəyişib.
Qəza yerinə çağırılan polis əməkdaşları hadisə ilə bağlı ilkin tədbirləri həyata keçirib.
Faktla bağlı araşdırma davam edir, qəzanın konkret səbəbləri müəyyənləşdirilir.
