Kişilər üçün dünyada satış lideri olan CLEAR şampunu 21 yanvar 2026-cı ildə Sinqapurda Oracle Red Bull Racing komandası ilə qlobal miqyaslı əməkdaşlıq sazişi bağladığını açıqlayıb.
Kişilər arasında dünya üzrə 1 nömrəli şampun kimi tanınan CLEAR brendi 21 yanvar 2026-cı ildə Sinqapurda keçirilən mərasimdə Oracle Red Bull Racing komandası ilə qlobal tərəfdaşlığa başladığını bəyan edib. Bu addımla CLEAR həmin komandanın tarixində saça qulluq üzrə ilk rəsmi tərəfdaş statusunu qazanıb.
Oracle Red Bull Racing-in qrup üzrə kommersiya direktoru Nick Stocker yeni əməkdaşlıqla bağlı fikirlərini bölüşüb:
“Dəqiqlik, intizam və fasiləsiz inkişaf uğurlarımızın əsasını təşkil edir. Məhz performansa bu cür yanaşma “CLEAR”ı komandamız üçün təbii tərəfdaşa çevirir.”
Tərəfdaşlıq çərçivəsində CLEAR loqosu komandanın yeni RB22 bolidində yer alacaq. Bundan başqa, brendin loqosu dördqat dünya çempionu Max Verstappenin və komandaya yeni qoşulan Isack Hadjarın yarış zamanı geydiyi balaklavalarda da görünəcək.
2026-cı il Formula 1 yarışlarının Bakıda təşkil olunmasının 10-cu ildönümünə təsadüf edir. Yarışlar ilk dəfə 2016-cı ildə Bakı Şəhər Halqasında Avropa Qran-Prisi adı altında keçirilib, 2017-ci ildən isə Azərbaycan Qran-Prisi adı ilə davam etdirilir.
Beləliklə, CLEAR-in Oracle Red Bull Racing ilə tərəfdaşlığının elan olunduğu 2026-cı il brend üçün Bakı ilə əlaqəli xüsusi bir əhəmiyyət daşıyır.
CLEAR hazırda satışda olduğu 60-dan artıq bazarda kişilər üçün ən çox satılan şampun sırasında yer alır, bir sıra ölkələrdə isə kəpəyə qarşı vasitə kateqoriyasında liderlik edir.
Oracle Red Bull Racing öz növbəsində yarandığı vaxtdan bəri FIA Formula 1 Dünya Çempionatının aparıcı komandalarından biri kimi tanınır.
CLEAR brendinin sahibi olan Unilever isə dünya miqyasında gözəllik, şəxsi qulluq, ev baxımı və qida sahələrində fəaliyyət göstərən aparıcı şirkətlərdən biridir. Şirkətin məhsulları 190-dan çox ölkədə satışa çıxarılır.
