Bərdə rayonunun sakini Müşfiq Aqil oğlu Hacıyevin meyiti Ağdam rayonunun işğaldan azad edilmiş Şelli kəndindəki kəhriz quyusundan aşkarlanıb.
Bərdə rayonunda yaşayan Müşfiq Aqil oğlu Hacıyev bir neçə gün əvvəl evinə qayıtmayıb. Bunun ardınca onun ailəsi itkin düşmə faktı ilə bağlı hüquq-mühafizə orqanlarına müraciət edib.
Aparılan axtarış tədbirləri nəticəsində Hacıyevin cansız bədəni Ağdam rayonunun işğaldan azad edilmiş Şelli kəndi ərazisindəki bir kəhriz quyusunda aşkar olunub.
Məlum olub ki, itkin düşən şəxs Ağdam rayonunun azad edilmiş ərazilərində fəaliyyət göstərən şirkətlərdən birində mühafizəçi vəzifəsində çalışıb.
Hadisə ilə bağlı hüquq-mühafizə orqanları tərəfindən müvafiq araşdırma aparılır. Onun ölüm səbəbləri hələ ki, dəqiqləşdirilməyib.
