Milli Hidrometeorologiya Xidmətinin məlumatına görə, ölkənin bir sıra bölgələrində külək müşahidə olunur, Quba və Qusarda isə arabir yağış yağır.
Azərbaycanın müxtəlif bölgələrində hazırda küləkli hava şəraiti qeydə alınıb. Milli Hidrometeorologiya Xidməti bu barədə məlumat yayıb.
Qurumun açıqlamasına əsasən, Quba və Qusar rayonlarında vaxtaşırı yağış müşahidə olunur. Digər ərazilərdə isə əsasən şimal-qərb istiqamətindən külək əsir.
Məlumata görə, küləyin maksimal sürəti Neftçalada saniyədə 25 metrə çatıb. Bakı və Abşeron yarımadasında bu göstərici 20 m/s, Goranboyda 19 m/s səviyyəsindədir.
Naftalanda küləyin sürəti 18 metr/saniyəyə, Şirvan və Culfada isə 17 metr/saniyəyə qədər yüksəlib.
