Cəlilabad şəhərində “VAZ” və “Mercedes” markalı avtomobillərin toqquşması nəticəsində 4 nəfər xəsarət alıb.
Cəlilabad rayonunda yol-nəqliyyat hadisəsi qeydə alınıb. Hadisə zamanı “VAZ” və “Mercedes” markalı iki avtomobil bir-biri ilə toqquşub.
Qəza nəticəsində dörd nəfər bədən xəsarəti alıb. Zərər çəkənlər arasında 2010-cu il təvəllüdlü Fatimə Mirzəzadə, 1980-ci il təvəllüdlü Cəlal Mirzəzadə, 1979-cu il təvəllüdlü Elçin Quliyev və 2010-cu il təvəllüdlü Şəfa Məmmədova var.
Yaralananların hamısı tibbi yardım üçün rayon xəstəxanasına aparılıb.
Baş vermiş hadisə ilə bağlı müvafiq qurumlar tərəfindən araşdırma aparılır. Qəzanın səbəbləri hələlik dəqiqləşdirilməyib.
