Laçın rayonunun Minkənd kəndi yaxınlığında dağlıq ərazidə baş vermiş yanğın Fövqəladə Hallar Nazirliyinin qüvvələri tərəfindən söndürülüb.
Laçın rayonunun Minkənd kəndi ətrafındakı dağlıq ərazidə yanğın qeydə alınıb. Bu barədə Fövqəladə Hallar Nazirliyi məlumat yayıb.
Nazirliyin açıqlamasına görə, hadisə yerinə Dövlət Yanğından Mühafizə Xidmətinin əməkdaşları cəlb olunub.
Ərazinin mürəkkəb relyefi və güclü külək yanğınsöndürənlərin işini çətinləşdirsə də, alov geniş sahəyə yayılmadan neytrallaşdırılıb.
