Son xəbər: Tramp: Kuba tamamilə iflas etmiş dövlətdir
Formula 1 üzrə Azərbaycan Qran-Prisinin keçirilməsi ilə bağlı Bakı şəhərindəki ali təhsil müəssisələrində tədris 23-25 sentyabr tarixlərində məsafədən formada aparılacaq.
Bakı şəhərində Formula 1 üzrə Azərbaycan Qran-Prisinin keçiriləcəyi günlərdə paytaxtdakı ali təhsil müəssisələrinin iş rejimi dəyişdirilir. Bu barədə Elm və Təhsil Nazirliyi tərəfindən müvafiq əmr imzalanıb.
İmzalanan əmrə əsasən, 23-25 sentyabr tarixlərində Bakıda fəaliyyət göstərən bütün ali təhsil müəssisələrində dərslər məsafədən (distant) formatda aparılacaq. Qərarın əsas məqsədi Formula 1 yarışının keçirildiyi müddətdə tədris prosesinin kəsintisiz davam etməsini təmin etməkdir.
Nazirlik ali təhsil müəssisələrinə əmrin tələblərinin yerinə yetirilməsi üçün lazımi tədbirlərin görülməsini tapşırıb. Bununla da tədris ilinin bu hissəsində fasilə yaranmaması nəzərdə tutulur.
