Siyəzən rayonunda Bakı-Quba avtomobil yolunda "Opel" markalı minik avtomobili aşıb, nəticədə iki nəfər xəsarət alıb.
Siyəzən rayonunda yol-nəqliyyat hadisəsi baş verib. Qəza Bakı-Quba avtomobil yolunun bu rayon ərazisindən keçən hissəsində qeydə alınıb.
Məlumata görə, "Opel" markalı minik avtomobilinin sürücüsü idarəetməyə nəzarəti itirib. Avtomobil əvvəlcə beton maneəyə çırpılıb, ardınca yolun kənarına aşıb.
Qəza zamanı iki nəfər bədən xəsarəti alıb. Hər ikisi Siyəzən Rayon Mərkəzi Xəstəxanasına aparılıb.
Bildirilir ki, xəsarət alanlardan biri uşaqdır. Hadisə ilə bağlı müvafiq qurumlar tərəfindən araşdırma aparılır.
