Sumqayıt şəhərində Bakı-Quba magistralında baş verən qəzada yolu piyada keçən kişi avtomobilin altında qalıb və hadisə yerində həyatını itirib.
Sumqayıt şəhərinin ərazisindən keçən Bakı-Quba magistralında ağır yol-nəqliyyat hadisəsi qeydə alınıb. Hərəkət zamanı "Hyundai" markalı avtomobil yolu piyada keçməyə çalışan kişini vurub.
Toqquşma nəticəsində kişi ağır bədən xəsarətləri alıb. Aparılan cəhdlərə baxmayaraq, o, hadisə yerində həyatını itirib.
Qəza barədə məlumat alınan kimi əraziyə hüquq-mühafizə orqanlarının əməkdaşları gəliblər. Onlar tərəfindən zəruri araşdırma tədbirləri həyata keçirilib.
Hazırda qəzanın konkret səbəbləri müəyyən edilir. Bu istiqamətdə istintaq davam etdirilir.
