Qubada bir neçə dağ kəndini rayon mərkəzi ilə birləşdirən Rustov-Xanəgah yolunun 7-ci kilometrliyində torpaq sürüşməsi qeydə alınıb.
Qubada dağ kəndlərini rayon mərkəzi ilə birləşdirən Rustov-Xanəgah yolunda torpaq sürüşməsi baş verib. Hadisə yolun 7-ci kilometrliyində qeydə alınıb.
Sürüşmə nəticəsində yolun asfalt örtüyündə çatlar əmələ gəlib. Bu, həmin hissədən keçən nəqliyyat vasitələri üçün müəyyən risk yaradıb.
Təhlükəli hissədən keçən avtomobillərin təhlükəsizliyini təmin etmək məqsədilə sürüşmənin baş verdiyi yerdə xəbərdaredici lentlər çəkilib. Bununla sürücülərin diqqəti həmin sahəyə yönəldilib.
Quba rayon Fövqəladə Hallar Komissiyasının nümayəndələri, habelə digər aidiyyəti qurumların əməkdaşları ərazidə baxış keçiriblər. Vəziyyətin daha da pisləşməsinin qarşısını almaq üçün müvafiq addımların atılması gözlənilir.
