Ukraynanın Azərbaycandakı səfirliyi 20 Sentyabr – Dövlət Suverenliyi Günü münasibətilə Azərbaycana təbrik mesajı ünvanlayıb.
Ukraynanın Bakıdakı diplomatik nümayəndəliyi Azərbaycanın dövlət bayramı ilə bağlı təbrik bəyanatı yayıb. Məlumat səfirliyin rəsmi Facebook səhifəsində paylaşılıb.
Paylaşımda Azərbaycan xalqına və dövlətinə yönəlik xoş arzular öz əksini tapıb, iki ölkə arasındakı münasibətlərin əhəmiyyəti vurğulanıb.
“Azərbaycanı bu mühüm dövlət bayramı münasibətilə ürəkdən təbrik edirik! Qoy Azərbaycan bundan sonra da öz dövlətçiliyini daha da möhkəmləndirsin, inkişaf edərək çiçəklənsin, xalqı isə sülh, həmrəylik və rifah içində yaşasın. Ukrayna və Azərbaycan bütün dövrlərdə bir-birinin suverenliyini və ərazi bütövlüyünü dəstəkləyib, indi də dəstəkləməkdə davam edir. Ölkələrimiz mehriban dostluq əlaqələrini və qarşılıqlı faydalı strateji tərəfdaşlığını mütəmadi olaraq inkişaf etdirir. Biz Ukraynaya göstərdiyi həmrəyliyə və dəstəyə görə Azərbaycan rəhbərliyinə, eləcə də xalqına səmimi qəlbdən minnətdarlığımızı bildiririk. Sülh, rifah və tərəqqi arzulayırıq, Azərbaycan Respublikası! Dövlət Suverenliyi Gününüz mübarək!”
Bəyanatda xüsusilə vurğulanıb ki, Ukrayna və Azərbaycan tarix boyu bir-birinin suverenliyinə və ərazi bütövlüyünə hörmətlə yanaşıb, bu dəstək bu gün də davam edir. Səfirlik həmçinin Azərbaycanın Ukraynaya göstərdiyi həmrəylik və yardıma görə minnətdarlığını bildirib.
