Şamaxı şəhərində keçirilən Üzüm və Şərab Festivalının ikinci günü davam edir və qonaqlara müxtəlif üzüm sortları ilə şərab nümunələrini dadmaq imkanı yaradılır.
Şamaxıda təşkil olunan Üzüm və Şərab Festivalının ikinci günündə tədbir iştirakçıları üçün geniş proqram hazırlanıb. Qonaqlar axşam saatlarınadək festival ərazisindəki pavilyonları gəzərək fərqli üzüm növləri, üzümdən hazırlanan məhsullar və şərablarla tanış ola, onların dadına baxa bilərlər.
Festivalın əyləncə proqramı da zəngin sənətçi heyəti ilə diqqət çəkir. Tədbirdə Azərbaycanı Avroviziya mahnı müsabiqəsində təmsil etmiş müğənni Dilarə Kazımova çıxış edəcək.
Onunla yanaşı, səhnəyə Teymur Süleymanbəyli və Xalq artisti Zülfiyyə Xanbabayeva da çıxacaq. Proqramın musiqi hissəsini DJ Kamonun ifası tamamlayacaq.
