"Sabah" və Qazaxıstan millisinin qapıçısı Stas Pokatilov yığma düşərgəsinə qayıtmasından, UEFA Çempionlar Liqasındakı çıxışından və "Old Trafford" stadionundakı atmosferdən danışıb.
"Sabah" komandasının və Qazaxıstan milli yığmasının qapıçısı Stas Pokatilov millinin düşərgəsinə qayıtması, UEFA Çempionlar Liqasında topladığı təcrübə və "Old Trafford" stadionunda yaşadığı atmosfer haqqında açıqlama verib.
Futbolçu əvvəlcə əhvalının necə olduğu sualına cavab verərək şəhərə qayıtmaqdan məmnun qaldığını bildirib.
Əladır. Şəhərə qayıtdığım üçün xoşbəxtəm.
Milli komandaya dəvət olunarkən hansı hissləri yaşadığı soruşulduqda isə bu barədə deyib:
Həmişə xoş hisslər olur. Mən həmişə deyirəm ki, milliyə qayıtdığım üçün xoşbəxtəm.
Çempionlar Liqasındakı təəssüratları soruşulan qapıçı bu turnirin ona güclü emosiyalar yaşatdığını vurğulayıb. O, "Old Trafford" stadionundakı mühiti belə təsvir edib:
İnanılmaz atmosfer, inanılmaz hisslər idi. Bütün bunları daim təkrarlamaq və rəqibin kimliyindən asılı olmayaraq növbəti oyunu gözləmək istəyirsən. Çempionlar Liqası yaxşı mənada narkotik kimidir.
Pokatilov Qazaxıstandan Çempionlar Liqası, Avropa Liqası və Konfrans Liqasında çıxış edən ilk futbolçu olduğunu xatırladaraq bununla bağlı hisslərini bölüşüb:
Bilmirəm. Yəqin ki, hazırda bütün bunları o qədər də dərk etmir və hiss etmirəm. Yəqin, karyeramı bitirdikdən sonra nəvələrimə danışaram.
Komanda yoldaşları üçün darıxıb-darıxmadığı sualına isə qısaca "Əlbəttə" cavabını verib.
