Özbəkistanın Səmərqənd şəhərində keçirilən 46-cı Ümumdünya Şahmat Olimpiadasında Azərbaycan millilərinin növbəti oyunları bu gün baş tutacaq.
Özbəkistanın Səmərqənd şəhərində davam edən 46-cı Ümumdünya Şahmat Olimpiadasında Azərbaycan komandaları bu gün yeni rəqiblərlə üz-üzə gələcək. Kişi millisi Çexiya yığması ilə qarşılaşacaq, qadın komandası isə İngiltərə təmsilçiləri ilə oynayacaq.
Kişi komandası turnirdə bu vaxta qədər üç qarşılaşma keçirib. Mərakeşi 4:0, Filippini 3:1, İsveçrəni isə 3:1 hesabı ilə məğlub edib.
Qadın yığması da uğurlu start götürüb. Komanda Qvatemala və Danimarka yığmalarını hər ikisini 4:0 hesabı ilə, İsveç təmsilçilərini isə 2,5:1,5 hesabı ilə üstələyib.
46-cı Ümumdünya Şahmat Olimpiadası İsveçrə sisteminə uyğun olaraq 11 turdan ibarətdir. Yarışın sentyabrın 27-də başa çatması planlaşdırılır.
