Son xəbər: Netanyahu BMT-də çıxış edərkən zal boşaldı
Dünyaca məşhur model Naomi Kempbell Formula 1 üzrə Azərbaycan Qran-Prisi çərçivəsində Bakıda olarkən keçmiş sevgilisi Flavio Briatore ilə birlikdə görüntülənib.
56 yaşlı model Naomi Kempbell Formula 1 üzrə Azərbaycan Qran-Prisinin keçirildiyi günlərdə Bakıda müşahidə olunub. Diqqəti çəkən məqam onun kimin yanında görüntülənməsi olub.
Jurnalist Ali Eyüboğlu paylaşdığı məlumatda bildirib ki, model Bakıda 1998–2003-cü illər arasında münasibətdə olduğu 76 yaşlı italyan iş adamı Flavio Briatore ilə görüşüb. Briatore hazırda Formula 1-də çıxış edən "Alpine" komandasının rəhbərliyində təmsil olunan şəxslərdən biridir.
Keçmiş cütlüyün Bakıda yan-yana, gülərüz və səmimi şəkildə görüntülənməsi izləyicilərin diqqətindən kənarda qalmayıb. Görüntülər sosial mediada geniş müzakirə mövzusuna çevrilib.
