ABŞ Prezidenti Donald Tramp Nyu-Yorkda BMT Baş Assambleyasının 81-ci sessiyası çərçivəsində İran nümayəndə heyəti ilə keçirilən görüşün nəticələrini açıqlayıb və tərəflər arasında yaxın zamanda yeni razılaşma gözlədiyini bildirib.
Nyu-Yorkda BMT Baş Assambleyasının 81-ci sessiyası zamanı ABŞ və İran nümayəndə heyətləri arasında görüş baş tutub. Danışıqlar təxminən üç saat davam edib.
Donald Tramp jurnalistlərə açıqlamasında görüşü
çox yaxşıvə
məhsuldaradlandırıb. Prezident bildirib ki, ABŞ nümayəndə heyətinə xüsusi nümayəndə Stiv Uitkof, həmçinin kürəkəni Cared Kuşner daxil olub.
Tramp görüşdən sonra İranla əlaqələrin davam etdirildiyini vurğulayıb və razılaşmanın əldə ediləcəyinə inandığını bildirib. O həmçinin tərəflər arasında növbəti görüşün
çox tezlikləkeçiriləcəyini əlavə edib.
İranın dövlət mediası da xarici işlər naziri Abbas Əraqçinin BMT Baş Assambleyası çərçivəsində Stiv Uitkofla görüşdüyünü təsdiqləyib. Bildirilib ki, bu görüş Uitkofun təşəbbüsü ilə təşkil olunub.
Görüş zamanı Tehran tərəfi strateji əhəmiyyət daşıyan Hörmüz boğazının yenidən açılması üçün irəli sürdüyü şərtləri ABŞ nümayəndələrinə çatdırıb.
İran tərəfinin əsas tələbləri aşağıdakılardır:
İranın yüksəkvəzifəli rəsmi şəxsi bildirib ki, əgər ABŞ hərbi təzyiqi azaldıb İran limanlarına qarşı blokadanı ləğv etsə, Tehran yeddi gün ərzində Hörmüz boğazını yenidən aça bilər.
Bununla yanaşı qeyd olunub ki, İran nümayəndə heyəti Nyu-Yorkda diplomatik prosesi bərpa etmək üçün tam səlahiyyətlərə malikdir.
