Hərbi ekspert Ədalət Verdiyev Azərbaycan Ordusunda hərbçilərin maaş və pensiya sisteminin beynəlxalq standartlara uyğunlaşdırılacağını bildirib.
Hərbi ekspert Ədalət Verdiyev Azərbaycan Ordusunda maaş və pensiya təminatı sahəsində yeni islahatların hazırlandığını açıqlayıb. Onun sözlərinə görə, mövcud sistem qabaqcıl beynəlxalq təcrübəyə uyğunlaşdırılır.
Ekspert bildirib ki, gələcəkdə hərbçilərin əməkhaqqı vahid struktura əsaslanacaq və xidmətin yeri, xüsusiyyəti, şərtləri ilə ağırlıq dərəcəsi nəzərə alınmaqla müəyyənləşdiriləcək. Onun sözlərinə əsasən, Müdafiə Nazirliyi əməkdaşlarının maaşları orta hesabla 25 faizə yaxın və daha çox artacaq.
Əldə etdiyim məlumata görə, bu sahədə yeni islahat paketi qapıdadır. Nəhayət, orduda əməkhaqqı sistemi beynəlxalq standartlara əsaslanacaq və vahid struktura malik olacaq. Maaşlar xidmətkeçmənin yeri, xüsusiyyətləri, şərtləri və ağırlığı nəzərə alınmaqla hesablanacaq. Müdafiə Nazirliyinin hərbçilərinin maaşları orta hesabla 25%-ə yaxın və daha çox artır. Baza maaşı olan vəzifə maaşı rütbə maaşı ilə əvəzlənir, maaşlarda rütbə maaşının həcmi isə 70%-ə qaldırılır. Müdafiə Nazirliyinin hərbçilərinin pensiya təminatı mexanizmi də təkmilləşir və tam rəqəmsallaşdırılır. Vətən müharibəsinin növbəti ildönümü ərəfəsində bu lap yerinə düşəcək.
Ədalət Verdiyev əlavə edib ki, indiyədək əsas göstərici olan vəzifə maaşı artıq rütbə maaşı ilə əvəz olunacaq, bu zaman rütbə maaşının ümumi məbləğdəki payı 70 faizə qədər yüksəldiləcək. Onun sözlərinə görə, hərbçilərin pensiya təminatı mexanizmi də təkmilləşdirilərək tam rəqəmsal formaya keçiriləcək.
Ekspert bu addımların Vətən müharibəsinin növbəti ildönümü ərəfəsində xüsusi əhəmiyyət kəsb edəcəyini vurğulayıb.
