Prezident İlham Əliyev sentyabrın 26-da Beynəlxalq Avtomobil Federasiyasının prezidenti Məhəmməd Ben Sulayem ilə görüşüb, görüşdə Bakıda keçirilən Formula 1 yarışları müzakirə olunub.
Prezident İlham Əliyev sentyabrın 26-da Beynəlxalq Avtomobil Federasiyasının prezidenti Məhəmməd Ben Sulayem ilə görüş keçirib.
Tərəflər arasında söhbət zamanı hər il olduğu kimi bu il də Bakıda təşkil edilən Formula 1 yarışlarının yüksək səviyyədə keçirildiyi diqqətə çatdırılıb. Bundan əlavə, bu cür yarışların Azərbaycanın turizm potensialının tanıdılmasındakı rolu xüsusi vurğulanıb.
Görüş çərçivəsində Beynəlxalq Avtomobil Federasiyası ilə Azərbaycan Avtomobil Federasiyası, habelə yerli klublar arasındakı əməkdaşlıqdan razılıq bildirilib. Tərəflər gələcəkdə bu tərəfdaşlığın hansı istiqamətlərdə inkişaf etdirilə biləcəyini də müzakirə ediblər.
