Ukrayna Prezidenti Volodimir Zelenski Rusiya ilə Ukrayna arasındakı müharibəni sona çatdırmaq üçün Vladimir Putinlə üzbəüz danışıqlara getməyə hazır olduğunu açıqlayıb.
Ukrayna Prezidenti Volodimir Zelenski Moskva ilə Kiyev arasında davam edən münaqişəni dayandırmaq məqsədilə Rusiya lideri Vladimir Putinlə birbaşa görüşə getməyə hazır olduğunu bildirib.
Zelenskinin bu açıqlaması "Insider UA" teleqram kanalında yayılıb.
Ukrayna lideri Putinlə görüşün özü üçün asan olmayacağını, lakin sülh prosesini irəlilətmək naminə bu addımı atmağa razı olduğunu vurğulayıb.
“Rusiya Prezidenti Vladimir Putinlə üzbəüz oturmaq həyatımın ən xoş günü olmayacaq. Lakin sülhü yaxınlaşdırmaq naminə bunu edəcəyəm”, – Zelenski deyib.
Bununla Zelenski münaqişənin diplomatik yolla həllinə açıq olduğunu bir daha nümayiş etdirib.
