İsveçrə millisinin kapitanı Qranit Caka pandemiya dövründə saxta COVID-19 sertifikatı əldə etdiyini etiraf edib və bu səbəbdən milli komandadan kənarlaşdırılıb.
İsveçrə milli komandasının kapitanı Qranit Caka pandemiya illərində saxta COVID-19 sertifikatı əldə etdiyini açıqlayıb. Bu etiraf onun milli yığmadan uzaqlaşdırılması ilə nəticələnib.
Təcrübəli yarımmüdafiəçi şəxsi "Instagram" səhifəsində paylaşdığı yazıda vaksinasiyaya şübhə ilə yanaşdığını bildirib və bu addımının səhv olduğunu qəbul edib.
Bu faktla əlaqədar Lüsern kantonunun prokurorluğu Qranit Cakaya və ona həmin sertifikatı verən həkimə qarşı sənəd saxtakarlığı ittihamı ilə cinayət işi başlayıb. İsveçrə qanunlarına görə, futbolçuya cərimə və yaxud beş ilədək azadlıqdan məhrumetmə cəzası tətbiq oluna bilər.
Baş vermiş bu hadisə İsveçrə Futbol Federasiyasının qərarına səbəb olub və ulduz futbolçu cari toplanışdan çıxarılıb. Nəticədə Caka Şimali Makedoniya, Şotlandiya və Sloveniya ilə keçiriləcək dörd oyunu buraxacaq.
Onun milli komandadaki gələcəyi barədə son qərar isə bu oyunlardan sonra veriləcək.
