Bakının “20 Yanvar” metrostansiyası yaxınlığında sərnişinlərin fərdi avtomobillərə minib-düşməsi üçün yeni dayanacaq yeri müəyyənləşdirilib.
Bakının “20 Yanvar” metrostansiyası yaxınlığında sərnişinlərin fərdi avtomobillərə minib-düşməsi üçün yeni dayanacaq yeri müəyyənləşdirilib.
Dayanacaq Azərbaycan Dövlət Su Ehtiyatları Agentliyinin inzibati binasının yaxınlığında yerləşir. Bu ərazidə artıq sərnişinlərin minib-düşməsi üçün müvafiq yol nişanı quraşdırılıb.
Daha əvvəl həmin ərazidə dayanmaq qəti qadağan idi. Qadağaya əməl etməyən sürücülər tez-tez cərimə ilə üzləşirdi.
Eyni zamanda bu vəziyyət sərnişinlər üçün də əlavə maneə yaradırdı, çünki onlar müvafiq ünvanda maşına rahat minib-düşə bilmirdilər. Yeni yol nişanının quraşdırılması ilə bu problem öz həllini tapıb.
