Bakının Sabunçu rayonundakı Maştağa qəsəbəsində yol hərəkətinin təşkilinə qanunsuz müdaxilə edən şəxslər polis tərəfindən saxlanılıb.
Sabunçu rayonunun Maştağa qəsəbəsində maşınların sıx hərəkət etdiyi bir yolda dönməyə qadağa qoyulmuş nişanlanma boya vasitəsilə dəyişdirilib. Bu addımı atan şəxslər qısa müddət sonra müəyyən edilərək saxlanılıb.
Yol nişanına edilən qanunsuz müdaxilə müşahidə kameralarının görüntülərinə düşüb. Görüntülər əsasında polis əməkdaşları hərəkətə keçərək hadisəyə qarışan şəxsləri tapıblar.
Məlumatlara görə, bir qrup sakin yaşadıqları ərazidə daha qısa yolla evlərinə çatmaq məqsədilə yol nişanına özbaşına müdaxilə edib. Dönmənin qadağan olunduğu hissəni dəyişərək icazəli dönmə kimi qeyd ediblər.
Hazırda hadisə ilə bağlı araşdırma davam etdirilir.
