Xaçmaz-Bakı marşrutu üzrə hərəkət edən sərnişin avtobusunun təkərlərindən birində Şabran rayonu ərazisində yanğın baş verib.
Xaçmaz-Bakı marşrutu ilə hərəkət edən sərnişin avtobusunda yol zamanı yanğın qeydə alınıb. Hadisə ötən gün saat 16:40 radələrində, avtobus Bakı tərəfə hərəkət edərkən Şabran rayonu ərazisində baş verib.
Məlum olduğuna görə, avtobusun arxa hissəsindəki təkərlərdən birində qəfildən alov görünüb. Bunu görən sərnişinlər təxirə salınmadan avtobusdan çıxarılıb, eyni zamanda alovu söndürmək üçün ilk cəhdlər edilib.
Ancaq odun sürətlə yayılması nəticəsində yanğını həmin an aradan qaldırmaq alınmayıb. Yaxınlıqdakı avtoyuma xidmətinin təzyiqli suyundan istifadə edərək yanğın tam söndürülüb.
Baş verən hadisə nəticəsində sərnişinlərdən heç biri xəsarət almayıb. Onların hamısı Xaçmaz avtovağzalından ötürülən başqa avtobusla Bakıya yoluna davam edib.
