Fövqəladə Hallar Nazirliyi ötən həftə ərzində 442 yanğına çıxış edib, qəza-xilasetmə əməliyyatları nəticəsində 20-si azyaşlı olmaqla 62 nəfəri xilas edib.
Fövqəladə Hallar Nazirliyi əhalinin və ərazilərin təbii, həmçinin texnogen xarakterli fövqəladə hallardan qorunması istiqamətində gördüyü işləri davam etdirir. Nazirliyin "112" qaynar xəttinə daxil olan zənglər əsasında müvafiq qurumlar ötən həftə çoxsaylı hadisəyə operativ reaksiya verib.
Bildirilib ki, bu müddət ərzində 442 yanğın hadisəsinə çıxış olunub, 54 halda insanlar köməksiz vəziyyətdə aşkarlanıb və 3 avtonəqliyyat qəzası ilə bağlı xilasetmə tədbirləri həyata keçirilib. Aparılan təxirəsalınmaz əməliyyatlar sayəsində yanğınlar vaxtında söndürülüb, təhlükə altında olan insanların həyatı xilas edilib.
Nazirliyin qüvvələri tərəfindən aparılan əməliyyatlar zamanı ötən həftə ərzində ümumilikdə 62 nəfər xilas edilib. Xilas olunanların 20-si azyaşlı uşaqlardır.
Eyni zamanda bağlı qapı, avtomobil qəzaları və digər oxşar hadisələrlə bağlı 11 nəfərin meyiti yaxınlarına təhvil verilib.
