Sentyabrın 21-də saat 09:00-dan paytaxtın Sabunçu rayonunun Maştağa qəsəbəsində, Baloğlan Bağırov küçəsinin bir hissəsində yol təmiri işlərinə start veriləcək.
Azərbaycan Avtomobil Yolları Dövlət Agentliyi (AAYDA) Maştağa qəsəbəsində yerləşən Baloğlan Bağırov küçəsində təmir-bərpa işlərinin aparılacağını bildirib. İşlər sentyabrın 21-də saat 09:00-dan başlayacaq.
Təmir küçənin Məhəmmədəli Şəfai küçəsi ilə kəsişdiyi nöqtədən Səyyarə Zeynalova küçəsinə qədər olan hissəsini əhatə edəcək.
Agentliyin açıqlamasına görə, görülən işlərin xarakterindən asılı olaraq həmin ərazidə avtomobillərin hərəkəti həm tam, həm də qismən dayandırıla bilər.
Bununla bağlı sürücülərə xəbərdarlıq edilib ki, ərazidə yaranması mümkün olan sıxlığın qarşısını almaq üçün əvvəlcədən başqa marşrutlardan istifadə etsinlər. Eyni zamanda, aparılan təmir işlərinə anlayışla yanaşmaları da tövsiyə olunub.
