AYNA-nın məlumatına görə, Bakının Mirzəağa Əliyev və Abdulla Şaiq küçələrində artan sərnişin axınını nəzərə alaraq avtobuslar üçün xüsusi hərəkət zolağı yaradılır.
Bakıda metro xətlərinin ayrılması layihəsi ilə əlaqədar sərnişin sayının artması nəzərə alınaraq, iki mühüm küçədə avtobuslar üçün ayrıca hərəkət zolağı təşkil olunur.
Mirzəağa Əliyev və Abdulla Şaiq küçələrində aparılan işlər sərnişinlərin şəhər nəqliyyatından daha rahat, maneəsiz və vaxt itkisi olmadan istifadə etməsinə imkan yaradacaq.
AYNA-nın yaydığı məlumata görə, hər iki küçədə mövcud yol enləri standartlara uyğunlaşdırılaraq avtobuslar üçün əlavə zolaq ayrılıb.
“Hazırda bu küçələrdə nişanlanma xətləri çəkilir. Müvafiq yol nişanları quraşdırılmaqla zolaqlar qüvvədə olacaq”.
Qurumun məlumatına əsasən, nişanlanma işləri başa çatdıqdan sonra yeni avtobus zolaqları tam gücü ilə istifadəyə veriləcək.
