Son xəbər: Xakasiyada ayılar Abaza şəhərinə hücum çəkib
Dövlət Sosial Müdafiə Fondu bu ilin yanvar-avqust aylarında 1 milyon 100 min şəxsə ümumilikdə 1 milyard 503 milyon manat müavinət və Prezidentin aylıq təqaüdünü ödəyib.
Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Sosial Müdafiə Fondu bu ilin ilk səkkiz ayında 1 milyon 100 min nəfərə 1 milyard 503 milyon manat həcmində vəsait ödəyib. Bu məbləğ müavinət və Prezidentin aylıq təqaüdü ödənişlərini əhatə edir.
Ayrılan vəsaitin bölgüsünə nəzər saldıqda görünür ki, 515 min nəfər müavinət alıb və onlara ümumilikdə 844 milyon manat ödənilib. Prezident təqaüdünü alan şəxslərin sayı isə 406 min nəfər olub, onlara 542 milyon manat vəsait yönəldilib.
Bundan əlavə, sosial sığorta hesabına müavinət kimi 179 min nəfərə 117 milyon manat ödəniş edilib.
Ödənilən vəsaitin həcmi keçən ilin eyni dövrü ilə müqayisədə artıb. Belə ki, müavinətlər üzrə artım 11 faiz, təqaüdlər üzrə 12 faiz, sosial sığorta hesabına verilən müavinətlər üzrə isə 5 faiz təşkil edib.
Bu ilin səkkiz ayında daha 98 min müavinət və təqaüd təyinatı elektron sistem üzərindən proaktiv qaydada icra olunub. Sosial ödənişlərin elektron təyinatına başlanılan 2019-cu ildən indiyədək bu üsulla 977 min müavinət və təqaüd təyinatı həyata keçirilib.
