Salyan-Şirvan avtomobil yolunun Xələc kəndi ərazisindən keçən hissəsində iki minik avtomobili toqquşub, nəticədə bir qadın və onun iki azyaşlı övladı xəsarət alıb.
Salyan rayonunda yol-nəqliyyat hadisəsi baş verib. Qəza Salyan-Şirvan avtomobil yolunun Xələc kəndindən keçən hissəsində qeydə alınıb.
Məlumata görə, həmin ərazidə iki minik avtomobili bir-biri ilə toqquşub. Toqquşma nəticəsində avtomobillərdən birində olan sərnişinlər zərər çəkiblər.
Qəza zamanı Şirvan şəhər sakini, 2001-ci il təvəllüdlü Vəfa Maksim qızı Şahbazova və onun iki azyaşlı uşağı müxtəlif dərəcəli bədən xəsarətləri alıblar. Yaralılar operativ şəkildə Salyan Rayon Mərkəzi Xəstəxanasına aparılıblar.
Hadisə ilə bağlı müvafiq orqanlar tərəfindən araşdırma aparılır. Qəzanın dəqiq səbəbləri hələ ki açıqlanmayıb.
