ABŞ Prezidenti Donald Tramp İran Prezidenti Məsud Pezeşkianla görüşməyə hazır olduğunu bildirib.
ABŞ Prezidenti Donald Tramp İran Prezidenti Məsud Pezeşkianla görüşməyə hazır olduğunu açıqlayıb. Bu barədə o, "Fox News" telekanalına müsahibəsində danışıb.
"Pezeşkianla görüşməyə hazıram"
Tramp bildirib ki, hazırda İranla bağlı mühüm qərar vermək ərəfəsindədir. O, İranla razılaşma əldə etmək, yoxsa bu ölkəyə qarşı daha sərt tədbirlər görmək barədə düşündüyünü qeyd edib.
ABŞ Prezidenti həmçinin İranla bağlı yaxın vaxtlarda konkret addımlar atılmalı olduğunu vurğulayıb.
Tramp bildirib ki, BMT Baş Assambleyasının yüksəksəviyyəli həftəsi çərçivəsində Məsud Pezeşkianla görüşə açıqdır. Məlumatlara görə, son anda hər hansı dəyişiklik baş vermədiyi təqdirdə, Pezeşkianın ABŞ-ya səfəri planlaşdırılır.
