Mobil operator “Nar”ın dəstəyi ilə Azərbaycanda bilik yarışı olan “Breyn Rinq”in 28-ci mövsümü start götürüb.
Mobil operator “Nar”ın dəstəyi ilə Azərbaycanda bilik yarışı olan “Breyn Rinq”in 28-ci mövsümü start götürüb.
Yeni mövsümdə ölkənin 14 regionunu və 10 universitetini təmsil edən 25 komanda “Bilik Kuboku” adlanan mükafat üçün rəqabət aparacaq.
“Nar” yarışda iki komanda ilə iştirak edir: birbaşa “Nar” komandası və Göyçay şəhərini təmsil edən “Nar+” komandası.
Qaydalara görə, “Breyn Rinq” çərçivəsində ildə iki mövsüm keçirilir: birincisində “Nar” Kubokunun qalibi, ikincisində isə “Bilik Kuboku”nun sahibi müəyyənləşir.
Hazırkı mövsümün sonunda “Bilik Kuboku”nu qazanan komanda Azərbaycan Çempionu titulu üçün “Nar” Kubokunun sahibi ilə üz-üzə gələcək.
Əgər həmin titula Göyçayın “Nar+” komandası sahib olarsa, komanda avtomatik olaraq Azərbaycan Çempionu adını qazanacaq.
Şirkətin korporativ sosial məsuliyyət strategiyasında elm və təhsil sahəsinə dəstək əsas istiqamətlərdən biri sayılır.
Mobil operator uzun müddətdir intellektual layihələrə töhfə verir və artıq 14 ildir “Breyn Rinq” yarışının əsas tərəfdaşlarından biridir.
Şirkətin digər sosial layihələri ilə bağlı ətraflı məlumatı nar.az/projects ünvanından əldə etmək mümkündür.
Hazırda 2,2 milyon abunəçiyə xidmət göstərən “Nar” son 7 ildir Müştəri Loyallığı İndeksi göstəricisinə görə Azərbaycanda mobil operatorlar arasında liderlik mövqeyini saxlayır.
Bu nəticə şirkətin ardıcıl həyata keçirdiyi müştəri yönümlü strategiyanın nəticəsidir.
Operator abunəçilərinə əlverişli qiymətlərlə keyfiyyətli rabitə xidmətləri, müxtəlif internet paketləri və müasir eSim texnologiyası təklif edir.
