Naxçıvan Muxtar Respublikasının Şərur rayonunda, Axura kəndi yaxınlığında “Niva” markalı avtomobil yoldan çıxaraq aşıb, sərnişinlər maşında sıxılı vəziyyətdə qalıb.
Naxçıvan Muxtar Respublikasının Şərur rayonunda, Axura kəndi ərazisində yol-nəqliyyat hadisəsi baş verib. Qəza nəticəsində avtomobildəki vətəndaşlar maşının içində sıxılı vəziyyətdə qalıblar.
Fövqəladə Hallar Nazirliyi hadisə ilə bağlı məlumat yayıb. Bildirilib ki, hadisə yerinə nazirliyin Şərur Rayon Yanğından Mühafizə Hissəsinin və Xüsusi Riskli Xilasetmə Xidmətinin əməkdaşları cəlb olunub.
Hadisə yerində aparılan qiymətləndirmə zamanı müəyyən edilib ki, “Niva” markalı minik avtomobili yoldan çıxaraq aşıb. Nəticədə avtomobil deformasiyaya uğrayıb və içərisindəki sərnişinlər maşının daxilində sıxılı qalıblar.
Xüsusi texnika və avadanlıqdan istifadə edən xilasedicilər müxtəlif dərəcəli bədən xəsarəti alaraq avtomobildə sıxılı qalan 1958-ci il təvəllüdlü Cəfər İsa oğlu Abbasovu və 1990-cı il təvəllüdlü Nuran Cəfər oğlu Abbasovu xilas ediblər. Hər ikisi təcili tibbi yardım briqadasına təhvil verilib.
Hadisə ilə bağlı aidiyyəti dövlət qurumları tərəfindən araşdırma davam etdirilir.
