Azərbaycan Yerüstü Nəqliyyat Agentliyi sürücülərin yol hərəkəti qaydalarına məsuliyyətsiz yanaşması nəticəsində baş verən qəzalarla bağlı məlumat yayıb. Bildirilib ki, minik avtomobillərinin avtobuslara çırpılması nəticəsində onlarla sərnişin həm təhlükə, həm də vaxt itkisi ilə üzləşir.
Azərbaycan Yerüstü Nəqliyyat Agentliyi sürücülərin yol hərəkəti qaydalarına etinasız münasibəti nəticəsində yaranan qəza halları ilə bağlı məlumat yayıb.
Agentliyin bildirdiyinə görə, minik avtomobillərinin ictimai nəqliyyat vasitələrinə, xüsusilə avtobuslara çırpılması halları müşahidə olunur. Bu cür qəzalar nəticəsində avtobuslarda olan onlarla sərnişin həm təhlükə ilə üzləşir, həm də əlavə vaxt itkisinə məruz qalır.
Agentlik qeyd edib ki, bu kimi hadisələrin hər biri təkcə həmin marşrutda deyil, ümumilikdə bütün ictimai nəqliyyat sisteminin fəaliyyətinə mənfi təsir göstərir. Sürücülərin diqqətsizliyi nəticəsində yaranan bu vəziyyət həm sərnişinlərin təhlükəsizliyini, həm də nəqliyyatın vaxtında hərəkət etməsini pozur.
Agentlik tərəfindən bu mövzuda videogörüntü də paylaşılıb.
