Rusiyanın Sankt-Peterburq şəhərində Azərbaycan vətəndaşı qəfil vəfat edib. Masallı rayonunun Kolatan kənd sakini 35 yaşlı Elnur İsrail oğlu Əliyev toy məclisindən sonra dünyasını dəyişib.
Rusiyada yaşayan bir azərbaycanlının qəfil ölümü barədə məlumat yayılıb. Hadisə Sankt-Peterburq şəhərində qeydə alınıb.
Masallı rayonunun Kolatan kənd sakini, 35 yaşlı Elnur İsrail oğlu Əliyev orada iştirak etdiyi toy məclisindən sonra qəfil vəfat edib. Onun ölümünün ürəktutması nəticəsində baş verdiyi bildirilib.
Elnur Əliyevin cənazəsi dünən doğulub-böyüdüyü Kolatan kəndinə gətirilib. Mərhum burada dəfn edilib.
