Bakı-Şamaxı magistral avtomobil yolunun Qobustan rayonu ərazisindən keçən hissəsində hərəkət edən minik avtomobilində yanğın baş verib.
Bakı-Şamaxı magistral avtomobil yolunun Qobustan rayonu ərazisindən keçən hissəsində "Ford Fusion" markalı minik avtomobilində yanğın qeydə alınıb.
Fövqəladə Hallar Nazirliyindən verilən məlumata görə, hadisə yerinə nazirliyin Dövlət Yanğından Mühafizə Xidmətinin Qobustan Rayon Yanğından Mühafizə Hissəsinin əməkdaşları cəlb olunub.
Yanğınsöndürənlərin operativ hərəkəti nəticəsində alov qısa vaxt ərzində zərərsizləşdirilib. Bildirilib ki, yanğın səbəbindən avtomobilin mühərrik hissəsi yanıb, lakin nəqliyyat vasitəsinin əsas hissəsi zədələnmədən qalıb.
