Dövlət Sosial Müdafiə Fondu respublika üzrə sentyabr ayının pensiya ödənişlərini başa çatdırıb.
Dövlət Sosial Müdafiə Fondu ölkə üzrə sentyabr ayına aid pensiya ödənişlərini tamamlayıb. Fonddan verilən məlumata görə, ödənişlər bölgələr üzrə mərhələlərlə həyata keçirilib.
Sentyabrın 8-də Naxçıvan Muxtar Respublikasında qeydiyyatda olan pensiyaçılara ödəniş edilib. Sentyabrın 11-də isə Bakı, Sumqayıt şəhərləri və Abşeron rayonunda yaşayan pensiyaçıların pensiyaları hesablarına köçürülüb.
Fondun məlumatına əsasən, bu gün ölkənin digər bölgələrində qeydiyyatda olan şəxslərin sentyabr ayı üzrə pensiyaları ödənilib. Bununla yanaşı, güzəştli şərtlərlə təyin edilmiş pensiyalar da eyni gündə pensiyaçılara çatdırılıb.
