Azərbaycan Respublikası Sərhəd Qoşunlarının ilk komandanı, ölkənin ilk sərhədçi generalı İsgəndər İmanverdi oğlu Allahverdiyev 79 yaşında vəfat edib.
Azərbaycan Respublikası Sərhəd Qoşunlarının ilk komandanı, ölkənin ilk sərhədçi generalı İsgəndər İmanverdi oğlu Allahverdiyev dünyasını dəyişib. General 79 yaşında vəfat edib.
İsgəndər Allahverdiyev 11 fevral 1947-ci ildə Bakı şəhərində dünyaya gəlib. O, Azərbaycanın dövlət sərhədinin qorunması sisteminin qurulmasında böyük əməyi olan hərbçilərdən biri kimi tanınıb.
Allahverdiyev 1991-1992-ci illər arasında Azərbaycan Respublikası Dövlət Sərhədini Mühafizə Komitəsinin sədri vəzifəsini icra edib. 1992-ci ildə ona general-mayor hərbi rütbəsi verilib.
Elə həmin il o, Azərbaycanın milli təhlükəsizlik nazirinin müavini təyin olunub və ölkənin Sərhəd Qoşunlarına ilk komandan kimi rəhbərlik etməyə başlayıb. 1992-1994-cü illər ərzində bu vəzifədə çalışarkən Azərbaycanın sərhəd xidmətinin formalaşması prosesinə birbaşa töhfə verib.
