Sentyabrın 26-da gecə Abşeron rayonunda avtomobil siqnalı üzündən qonşular arasında başlayan mübahisə bir nəfərin ölümü ilə nəticələnib.
Sentyabrın 26-da gecə saatlarında Abşeron rayonunda yaşayan iki qonşu arasında avtomobil siqnalına görə anlaşılmazlıq yaranıb. Rayon sakinləri Əli Axundov və İbrahim Həmidov arasında başlayan sözləşmə tədricən gərginləşərək fiziki toqquşmaya çevrilib.
Mübahisə zamanı Əli Axundovun N. adlı oğlu da qarışıq düşərək kəsici alətdən istifadə edib. Nəticədə İbrahim Həmidov xəsarət alıb.
Tərəfləri ayırmağa və sakitləşdirməyə çalışan İbrahim Həmidovun qohumu S.Mamedov da bu zaman xəsarətlə üzləşib. Ona təcili tibbi yardım göstərilsə də, göstərilən səylərə baxmayaraq onun həyatını xilas etmək mümkün olmayıb və o, dünyasını dəyişib.
Polis əməkdaşlarının həyata keçirdiyi əməliyyat tədbirləri nəticəsində 2009-cu il təvəllüdlü N.Axundov saxlanılıb və istintaqa təhvil verilib. Hadisə ilə bağlı hazırda müvafiq orqanlar tərəfindən araşdırma aparılır.
