Azərbaycanın İran İslam Respublikasındakı səfirliyi hazırda ölkədə olan və Azərbaycana qayıtmaq istəyən vətəndaşlara bildiriş yayıb. Səbəb Azərbaycana həyata keçirilməsi nəzərdə tutulan sərnişin təyyarə reyslərinin ləğv edilməsidir.
Azərbaycan Respublikasının İran İslam Respublikasındakı səfirliyi ölkəyə dönmək istəyən vətəndaşlara xüsusi bildiriş ünvanlayıb. Bildiriş səfirliyin “X” sosial şəbəkəsindəki rəsmi hesabında paylaşılıb.
Məlumatda bildirilir ki, İrandan Azərbaycana həyata keçirilməsi planlaşdırılan sərnişin təyyarə reysləri ləğv edilib. Bu səbəbdən artıq bilet almış, lakin reyslərin ləğvi ucbatından ölkəyə qayıda bilməyən vətəndaşlar üçün alternativ yol təklif olunur.
Səfirlik bildirir ki, Azərbaycanla İran arasında fəaliyyət göstərən quru yolu sərhəd-keçid məntəqələri vasitəsilə vətəndaşların ölkəyə qayıdışına köməklik göstəriləcək. Bunun üçün vətəndaşlardan Səfirliyə və ya Təbriz şəhərindəki Baş Konsulluğa birbaşa müraciət etmələri xahiş olunub.
“İran İslam Respublikasından Azərbaycan Respublikasına həyata keçirilməsi nəzərdə tutulan sərnişin təyyarə reyslərinin ləğv edilməsi ilə əlaqədar hazırda İran İslam Respublikasında olan Azərbaycan Respublikası vətəndaşlarının nəzərinə! Azərbaycana qayıtmaq üçün aviabilet əldə etmiş və reyslərin ləğv edilməsi səbəbindən ölkəyə qayıda bilməyən Azərbaycan Respublikası vətəndaşlarının Azərbaycanla İran arasında fəaliyyət göstərən quru yolu sərhəd-keçid məntəqələri vasitəsilə qayıdışına köməklik göstərilməsi və qayıdışın təmin edilməsi üçün vətəndaşlarımızdan Azərbaycan Respublikasının İran İslam Respublikasındakı Səfirliyinə və ya Təbriz şəhərindəki Baş Konsulluğuna müraciət etmələri xahiş olunur.”
Bununla yanaşı, İran aviaşirkətlərindən Azərbaycana bilet almış vətəndaşlara həmin biletlərin geri qaytarılması üçün aviaşirkətlərin satış məntəqələrinə müraciət etmələri tövsiyə edilib.
Əlavə məlumat və dəstək üçün Azərbaycan Respublikasının İran İslam Respublikasındakı Səfirliyi və Təbrizdəki Baş Konsulluğu aşağıdakı qaynar xətt nömrələrini açıqlayıb:
